بس يا خسارة مش فلسطيني

عنوان قرأته على بوست من بنت فلسطينية عايشة بالأردن كاتبته عالفيسبوك ، عم تحكي فيه كيف انه في كتير شباب مناح و كويسين حواليها بس يا خسارة مش زيها او مش فلسطينيين.

فكرت انه لحالي عندي هالمشكلة لأني عايشة برة الأردن ، بس طلع حتى اللي فالأردن نفسهم بعانوا منها ،ما بعرف لأي مدى ممكن تكون مشكلة وجود حدا بحياتي غير جنسيتي ، لما كنت بالجامعة و عايشة بعمّان كانت شلتنا و معارفي و قرايبي و محيطي كله فلسطينية و افكر انه لااا مستحيل اخذ واحد الا يكون فلسطيني.

بس لما اجيت على قطر و تعرفت على جنسيات تانية ، اكتشفت انه ممكن يكون لبناني ، سوري ، مصري , مغربي أو بالأبسط مش فلسطيني بس هات اللي يقتنع اذا رجعت فيه على عمّان في يوم من الايام . ما اسمع الف تعليق و الف كلمة و كيف تركتي اهلك و بلا بلا بلا

اكتر اشي بعجبني بالاجانب انهم فليكسيبل ، ما بهمهم الا الشخص و مين هو ، لا ابن ابصر مين ولا عايش بأي حارة ولا شو جنسيته.

و بقلك ليش العرب متخلفين !!!

يعطيكم العافية ...