...خلال زياراتي الكتيرة لعمان الحبيبة السنة الماضية كانت تصير معي أو اسمع شغلات هبلة و بتضحك
في طيارةالملكية الأردنية لعمان -
شخص : معقول نوصل بعد نص ساعة ؟؟
المضيفة: تشارط
شخص : ما هو مش معقول ما لحقنا
!!! المضيفة : طب تشارط
"وصلنا بعد ساعة الا ، بس لو شارطها"
في السوق -
صاحبة الأم : ماشاالله صارت بنتك بالجامعة ؟! وين دخلتوها ؟؟
!!! الأم :والله هي طلعلها بالهاشمية ، بس سجلناها موازي بالأردنيةاحسنلها تروح آخر الدنيا ، بلا أرف
"ليش مالها الهاشمية !!!هلأ صارت أرف، احم احم"
في التاكسي -
اول ما بدخل فيي عادة انه افتح الشباك و الشوفير كان يحكي بالموبايل "كالعادة دايما مشغولين اسمالله" قام سكره من عنده ، استنيت لخلص و رجعت فتحته ولا بحكي مع حاله : كانها الدنيا حريقة يعني
قامت حضرتي بفتح الشباك للآخر ...
بعدين اخذ طريق طويلة
أنا : ليش اجيت من هون المفروض من فوق الجسر .
!!! الشوفير : لا هاي الطريق احسنلك
!!! أنا : انا بعرف طريق بيتي اكتر منك ولا انتوا بس شغل سرقة و ضحك عالعالم
الشوفير بلش يبطئ و دار علَي
الشوفير: لا ياختي بزبطش معنا هيك حكي
قمت فتحت الباب و نطيت مع انه كان العداد واصل 70 قرش.
%$#$%*الشوفير: يا اختي ارجعي ، يا اختي عليكي 70 قرش ، يا
"بلا اختك بلا هم، كلكم نور و بتسرقونا عينك عينك !!"
في السوبر ماركت -
أنا : عندكم فراطة 50
الزلمة: استني اشوفلك ، 20 30 40 ايوة و هي 50
أنا: يسلمو ايديك عمو "مع ابتسامة"
الزلمة: اقولك ولله بتستاهلي فوقهم كمان 50 مشان هالضحكة الحلوة على ساعة هالمسا.
"متأكد انك اردني ؟!؟!"
لو شو ما صار معي مواقف بتضل حلوة و الها زكرى بتجنن.
يا اردن يا غالي