تجربة جديدة

اليوم كان عندي اول حصة لإنجاز ، اللي ما بعرفها هي شركة تطوعية غير ربحية بتعطي دروس لطلاب المدارس من عمر 13 -16 سنة عن الحياة العملية ، هم بيعطوا المادة و المتطوع عليه يشرحها خلال 8 اسابيع بمعدل ساعة اسبوعياً

المهم بالنسبة الي تجربة التدريس و ادخل على صف مدرسي هو خبرة جديدة بحد ذاتها ، كتير غريب الشعور انه اقعد مع بنات اصغر مني ب6 او 7 سنين بس ممكن تحسهم انه بفهموا عليك.

المادة اللي بدرسها هي "كيف اكون قيادياً " حسيت انه و انا بحضر المادة كمان عم بتعلم معهم لانه اشي جديد و مبسَط.

اما بالنسبة للطالبات فأنا اول ما دخلت قلتلهم انا ما بحب التدريس و بدكم تساعدوني ، و حسيت حالي للحظة اني عم بحكي كتيير و نوعاً ما زهقتهم معي لانه هدوئهد كان مش طبيعي !! او يمكن انه مش متعودة عالموضوع لسة .

اكتر اشي حبيته انه و انا بنص الحكي رن الجرس ، فأنابحكي يللا بنكل المرة الحاي ، بنتين او 3 حكوا لأ مس كملي هلأ بقلهم لأ عندكم خصة قالولي لأ عنا فرصة كمّلي بس انا ما حبيت اكمل لانه ممكن في جزء تاني ما بده ، بس حبيت فكرة انه ما زهقوا مني :)

"My Name Is Khan , And Am Not A Terrorist !!!"

A new hit in the Bollywood and Hollywood cinemes , the moive "My Name Is KHAN" ..

just like Slumdog millioaire , the indian movies again crashes the world's box offices , you laugh , you cry and your remember the importance of your religion.

such a great casting , the actor "Shahrukh Kan " did his role very well as a sick person trying to defend Islam in the united states and consists on not being a terrorist .

the trailer is below , although u wont understand it much as you watch the movie itself ..

Enjoy.

جولة بالمكتبة

صارلي فترة جاي عبالي اقرأ كتاب بس مش عارفة شو ، انا من النوع اللي بحب اقرأ كتاب معروف او يكون "اكثر مبيعاً" لأنه اكتر من مرة اتمقلب بكتب ما حدا بعرف عنها اشي !!

المهم امبارح ما كان في عندي اشي ، حملت حالي و رحت على جرير "ليست مجرد مكتبة" و مشيت بين هالكتب ، طبعا انا نفسي من زمان اقرا كتاب the alchimst و دايما بفتش عليه بفيرجن ميجا ستور ما بلاقيه ، المهم لاقيته امبارح و معه المجموعة الكاملة ، بس انا عندي منهم كتابين فبس اشيريت الكتاب لحاله , سعره 52 ريال يعني ما يعادل 10 دنانير اردنية ، والله سعره منيح مش عارفة ليش الناس ما بتقرأ !!!

المهم ضليتني ماشية بصف كتب الانجليوي ، لقيت في كتير كتب "الاكثر مبيعا" و شكلها انترستنغ تو رييد !! بس خفت اشتري اشي و اكسل اقراه بس قررت ارجعلهم ز

خلصت من قسم الانجليزي و قلت باخد جولة بالعربي ، ولا اشي معروف ولا في قائمة الاكثر مبيعا ولا حتى مرتبينهم حسب الكاتب كمان !!! والله عيب ، الواحد ببطل اله نفس يقرأ !!

لاحظت انه اسم أحلام مش موجود ابدا ، كنت عم بفتش على كتابها "نسيان.كوم" حدا من اصدقائي نصحني فيه ، علاجا لحالتي بس رحت سألت المسؤول عن الكتب هناك قاللي ما عنا احلام قلتله يعني خلصت ؟ قاللي لأ عمرنا ما جبنا كتب الها !!! صح غريب ؟؟

المهم نزلت عالكاشير و انا بحكي بعقلي "ليست مجرد مكتبة" !!! و انا كللي دهشة من اللي شفته جوا ...

Dear Diary ..

My dear diary,
it's been a long time since i last complained or shouted !!

i miss alot of things in my life recently and i would like to tell you about.

Dear Diary,

I miss the feeling of attention , i miss the feeling of someone calling me while am with my friends and i whisper on the phone "am with my friends, i miss u and i'll call when am done" and when i hang up , they ask me "who is this ?? " i just smile ...

Dear Diary,

I miss the regular working hours and having regular desk and office , real weekends and come to the office on sunday with lot's of things to do , and dont know from where to start !!

Dear Diary,

I miss wearing FORMAL cloths and people telling me "you look really good today in this outfit" and be professional and have my own moments of beauty .

Dear Diary,

I miss them all , i miss the family concept for the 6 of us to be gathered again on one table not only in summer but also in any time of the year , i miss you my great brother and sisters !!

Dear Diary,

I miss the way my life used to be 2 years ago ,when i was satisfied with a weekend in Amman only and never ask for more days or planning trips to other countries all over the year !!

Dear Love ,

I miss you ...

بتتذكروا ؟؟

بالزمانات كان في دعاية للبنك الأردني الكويتي ، بتتذكروها ؟؟ صارلها يومين خاطرة ببالي و ما لقيتها ولا مكان !!!

كانت بتقول :
بحر كبير و انا صغير
ما بعرف شو بدو يصير
بحر كبير و موجو رماني
تحت الميي انا خلاني
شفت الصدف وين ما كان و السمك اشكال الوان
صدفة كبيرة ياللي شفتها ، قلبي ابصر شو صار في لما فتحتها
طلعت حبة لولو كبيرة و حواليها 100 حبة صغيرة
اخدت الصدفة لبيتي ، صدفة الاردني الكويتي
ابصر شو ابصر شو و سحب زيادة للأطفال

عرفتوها ؟؟

خالتي شفيقة ...

هي بتكون اخت امي اللزم ، امبارح تزكرتها كتير و هلأ بتعرفوا ليش اجا عبالي احكيلكم عنها

خالتي من اقوى النساء اللي عرفتهم بحياتي ، بحس حياتها كلها مغامرات و قصص شيقة ، هي كانت اول امراة بالاردن بتسوق شاحنة معها كل انواع رخص السواقة و مرَة عملوا معها مقابلة عالتلفزيون بالتمنينات عشان هالموضوع.

دايما بتذكر من و نحنا صغار كنا نخاف منها احتراما بس بنحبها كتير و بنحب نسمع قصصها ، كانت تعليقاتها على اي اشي فعَالة و قوية بس من باب الصراحة و تحسين الشيء للأفضل .

من خمس سنين تقريباً تعبت الخالة شفيقة و دخلت عالمستشفى تعمل عملية و نحنا خفنا عليها لانها حتى و هي مريضة ما كانت تحب تبين اشي او تعب ، بس هالمرة الموضوع جدي و في عملية و مستشفى ، رحنا نزورها كانت نايمة و صوت نفسها بدل على تعبها ، كانت اول مرة احس بضعفها ، كنت بجامعة سنة تانية حسب ما بتزكر ، بس نفسيا اول ما شفتها هيك ضليت صفنانة فيها مش قادرة استوعب ، و بلشت ادمع

المهم فاقت و بلشنا نحكي معها و هي يادوب قادرة تحكي ، بعدين قالتلي امشي معي عالحمام (كوني كنت اصغر القاعدين ) بلشت تسند علي و على ابنها و تمشي شوي شوي انا هون فرطت و ما قدرت امسك حالي من العياط ، صارت هي تضحك و تقلي بس هبل و من هالحكي ، عرفنا بعدها انه معها سرطان بعيدن عنكم ، اله معها 10 سنين بس كانه بلش ورم حميد بعدين صار سرطان ، مش كتير فهمت القصة .

المهم صارت خالتي كل فترة و فترة تدخل المستشفى و من عملية للتانية و كل مرة ينجح اشي و يتغير اشي تاني ، بعدها بسنتين قررت تطلع حج لأنها كانت خايفة لا سمح الله ما تكمل و تضل بنفسها ، يالله شو انها رهيبة هالبني ادمة ، الله يحميها عنجد ، بعدها بشوي جوزت ابنها ، و كانت بعرسه ترقص مع الصبايا نقلها اقعدي تقول ما بدي هادا اخر ولد و بدي افرح فيه ، و كنا بس نروح عندها ما ترضى الا هي تضَيف و تقوم و تروح و تيجي ، تصير تحكي انا المريضة مش انتوا و بعرف حالي منيح !!!

من جديد بس و يمكن من شهرين عرفنا انه المرض خف كتيير و في اورام عم تختفي نهائيا من جسمها ، سبحان الله كنت دايما اسمع انه المرض نفسية و خصوصا السرطان ، بس جد هي كانت اقوى من المرض و اتحدت كل اشي ...

.اللي ذكرني بالقصة انه انا دايما بحس حالي تعبانة و ما الي نفس اعمل اشي ، و حسيت حالي اديش سخيفة بس اتزكرت هالانسانة الجبًارة

الله يحميها و يشفي مرضانا اجمعين.

أفكار مبعثرة ...

اليوم جاي عبالي اكتب ، كتير اشياء خاطرة ببالي او مواضيع عم تمرء عليّ بشكل شبه يومي ...

عرس ، خطبة ، جاهة و ارتباط

هادا الموضوع مش بس بمرء بشكل يومي ، بس ممكن تحكوا ساعي !! كل ما احكي كلمة ، عقبال ما نفرح فيكي يا دانا ، ما في هيك ولا هيك ؟ طب ما في حدا معاكي بالشغل ؟ صحاب العيلة ؟؟ و الأسئل’ و الأدعية ما بتخلص ، يا جماعة ايش في ؟ كل عمري 24 سنة !! لسة ما عنست و بصراحة الموضوع مش خاطر ببالي طول ما انا عايشة بقطر و مبسوطة كتير واصلا الاردنيين هون شبه منقرضيين !! أحسن ...

سفر ، اجازات ,، بلاد جديدة

كتير هادا الموضوع صاير يشغل تفكيري ، عندي 30 يوم عمل اجازة يعني بطلعوا 6 اسابيع غير الاعياد و الويك اندز ، فصار عندي اهتمام اشوف و اكتشف و بصراحة عمّان بطلت من الاماكن المفضلة لأقضي اجازتي فيها و هلأ بحكي ليش.

الشغل

برضه ضايعة فيه ، مرات بحبه كتير و بيجي عبالي اضل في الشركة لنرجع على عمان ، بس انا صارلي سنة كاملة و شهر لهلأ ما تطورت مع العلم انه فريقنا من اوائل الناس بالشركة ، لما اجي بدي اقدم على شغل تاني بضل مترددة و خايفة اترك الشركة بالوقت الغلط !!

عمان و الاجازات

صايرة نفسيا انكد بس ما الاقي مكان اسافره و اضطر اخذ اجازتي و انزل على عمان بس عشان اخلص ايام الاجازات بالغصب ، مش لاشي بس عم بنزل بنكد اكتر من ما انبسط ، كل حدا بشكي و كل حدا مفلس! و كل حدا بده اعزمه ما انا جاي من الخليج و زي ما بتعرفوا انه عم بنلم الفلوس من الشارع بالخليج !!!

و صايرة عقلية الناس محدودة او ما بعرف يمكن لأني بقابل الف جنسية باليوم تغير كل تفكيري و يمكن اللي ساكنيين برّة بوافقوني الرأي و مش عارفة كيف لما ارجع اعيش هناك ، انشااله اقدر اتقلم ...

أهبل موقف مرء عليّ بشمل كل هالمواضيع ، انه مرة صاحبتي خاطبة هون بقطر ، بتقلي "هيك مبسوطة و بتسافري من بلد لبلد ، انا بكرة بتزج و بجيب ولاد و انتي بتكوني لفيتي الدنيا" صرت اضحك و عم بحكي لوحدة صاحبتي بعمّان و مش شايفة اشي ولا بتقلي "حبيبتي اتزوج و اجيب ولاد ولا اعنس !! " مش عارفة فكركم قصدها عني انه رح اعنس ؟؟ لوول