...منك نحن و اليك سنعود

مرحبا , كيفكم ؟؟ أنا دانا من نابلس , فلسطينية و مش فلسطينية ، حاملة الجواز و الجنسية الأردنية و ما بعرف اشي عن نابلس إلا اسم قريتنا اللي احنا منها

خلال هاي السنة و تحديدا و انا بآخر فصل الي بالجامعة ، قررت انزل على الضفة , و السبب اني زي ما حكيت بالأول فلسطينية و مش فلسطينية ، يعني بس بالإسم ، و فعلاً اعلنت لأهلي هادا القرار ، ابوي من خوفوا علّي قاللي روحي اذا بتقدري توصليها و هادا خلاني ازيد اصراري عالنزلة

...للأسف كانت عندنا هاي الصيفية أعجق صيفية ، العرس و الناس و العجقة بعدوني عن حلمي

بس اليوم رجعت طرحت الموضوع على أهلي مرة تانية ، لقيت تشجيع أكبر ، معقول عشاني كبرت شوي و صرت مسئولة ؟؟

..كل اللي بتمناه هلأ انه تزبط الشغلة و أوصل أرضي ، ماما نصحتني انزل بالربيع علشان اقدر اطلع و الف بفلسطين ولا شو رأيكم

و كيف بأدر انزل ، لازم أروح عالسفارة السرائيلية تأعمل فيزا مزبوط ؟؟

...يا رب تزبط ، ادعولي