بعرف انه انا متأخرة عن هالموضوع تقريبا اسبوعين او قريب الشهر ، بس الفترة الماضية كنت باجازة و هلا رح احكي عنها اكتر
كيف كانت معكم سنة 2009 ؟؟ بالنسبة الي كانت مش طبيعية ، كتير احداث حلوة و تغييرات يمكن جذرية و اثرت فيي كتير عنجد
ما بتذكر مرق علي شهر صعب او بدايق لانه اللي بعده دغري بتعوض بسفرة برة او نشاط ببسطني ...
بسنة 2009 زرت 4 بلدان ب3 قارات , مصر و المغرب بأفريقيا ، لبنان بآسيا و ختمتها بأميركا على اخر اسبوع منها
بهاي السنة تعرفت عليه اكتر ، حبيته ، كرهته , تخانقنا كتير و بالآخر اتفقنا نفترق بس و نحنا صحاب و عقلنا كبير !!!
تعرفت كتير على ناس ، سواء عن طريق الشغل الجديد او حتى من خلال سفراتي
عنجد ما بعرف شو بدي اكتب عنها اد ما حبيتها ، كل اشي كان اله ذكرى حتى الزعل و الصراخ و العياط كان غير شكل
يا رب تكون سنة 2010 خير علينا و على الجميع ، تكون حستاتها اضعاف سيئاتها
يا رب اهديهم و صبرهم و عافيهم ...
و كل عام و انتوا بألف خير
0 Openions !!!:
Post a Comment