Friday, March 12, 2010

جولة بالمكتبة

صارلي فترة جاي عبالي اقرأ كتاب بس مش عارفة شو ، انا من النوع اللي بحب اقرأ كتاب معروف او يكون "اكثر مبيعاً" لأنه اكتر من مرة اتمقلب بكتب ما حدا بعرف عنها اشي !!

المهم امبارح ما كان في عندي اشي ، حملت حالي و رحت على جرير "ليست مجرد مكتبة" و مشيت بين هالكتب ، طبعا انا نفسي من زمان اقرا كتاب the alchimst و دايما بفتش عليه بفيرجن ميجا ستور ما بلاقيه ، المهم لاقيته امبارح و معه المجموعة الكاملة ، بس انا عندي منهم كتابين فبس اشيريت الكتاب لحاله , سعره 52 ريال يعني ما يعادل 10 دنانير اردنية ، والله سعره منيح مش عارفة ليش الناس ما بتقرأ !!!

المهم ضليتني ماشية بصف كتب الانجليوي ، لقيت في كتير كتب "الاكثر مبيعا" و شكلها انترستنغ تو رييد !! بس خفت اشتري اشي و اكسل اقراه بس قررت ارجعلهم ز

خلصت من قسم الانجليزي و قلت باخد جولة بالعربي ، ولا اشي معروف ولا في قائمة الاكثر مبيعا ولا حتى مرتبينهم حسب الكاتب كمان !!! والله عيب ، الواحد ببطل اله نفس يقرأ !!

لاحظت انه اسم أحلام مش موجود ابدا ، كنت عم بفتش على كتابها "نسيان.كوم" حدا من اصدقائي نصحني فيه ، علاجا لحالتي بس رحت سألت المسؤول عن الكتب هناك قاللي ما عنا احلام قلتله يعني خلصت ؟ قاللي لأ عمرنا ما جبنا كتب الها !!! صح غريب ؟؟

المهم نزلت عالكاشير و انا بحكي بعقلي "ليست مجرد مكتبة" !!! و انا كللي دهشة من اللي شفته جوا ...

3 Openions !!!:

ajamr said...

you have jarir???

well compared to amman its not a just a bookstore, its much bigger...

I am planning to take an exam, and I need a place to study.... I dont remember I saw one Library in both Khobar and dammam!!!! what do you think of that???

Whisper said...

مع انه في عنّا كتب و كتّاب ترفع لهم القبعه زي ما بحكو
لكن احنا عنّا الانبهار بكل شي غربي و احنا اول ناس بنقلل بقيمة حالنا كعرب

مش احنا....همه جرير
ليست مجرد مكتبه...

ajamr said...

correction!!

I found the library in Khobar!!!
oo ya raytne ma la2aytha!!!
ya ma7la maktabet jareer!!!