اليوم طلعت شوي مع اصحابي و روَحنا بكير ، قمت قررت اخد جولة عالكورنيش بالسيارة ، اسمه الجو حلو و منه هيك بسرح شوي مع حالي
حسيت حالي فكرت و سرحت زيادة عن اللزوم لدرجة اني ما كنت منتبهة انه مرء 40 دقيقة و انا ماشية و مش مشغلة أغاني ابدا !! و بعدها ما شغلتوا لاني كنت مرتاحة بالوضع اللي انا فيه .
اكتشفت ارمات اول مرة بنتبهلها و كتير اشياء انا بشوفها بشكل يومي بس ما بقرأها منيح او ما بهمني محتواها و بعدها اجت مرحلة "طب ليش"
لاحظت انه نحنا كتير بنتدخل بحياة بعض و عمري ما حكيت اشي الا الاقي الف رأي سواء مع أو ضد.
ليش لما اجي بدي اشتري لابتوب جديد بسمع رأي 7000 حدا و بعد ما اشتريته الف حدا لامني و ليش اشتريتي هادا و مش هداك , طب انا مبسوطة شو دخلكم ؟؟
ليش لما بدي اسافر اجازتي و اغير جو 5000 حدا بتدخل بالبلد اللي انا بسافر عليها ؟ ليش مصر ؟ ما رح تنبسطي !! رح تزهقي !! غيري ، ما تطولي ، ما ما ما ما !!!! و بعدين !! يا عمي بإجازتكم انقلعوا وين ما بدكم !!!
ليش لما يعجبني شب لازم افتش على مواصفات صاحبتي بتسالني عنها ؟ اموور ؟ غني ؟؟ ليش ما بشتغل هناك ؟؟ طب ليش انتي عاجبك !!!
ليش بدك تكملي ماستر باستراليا ؟؟ ليش مش بأوروبا او اميركا ؟؟ طب ليش تدفعي زيادة ؟ طب ليش تدرسي اصلا و توفري فلوسك احسن ؟ يا عمي وفروا فلوسكم انتواو ما تعملوا اشي !!!
زهقت من رأي العالم ، اهم اشي انه انا جد عمري ما رديت على حدا حتى صاحبتي دايما بتقلي "بعرف ما رح تردي علَي بس عادي" :)
اون اه سايد نووت : ليش البنات بس يخطبوا بصيروا زنخين ؟؟