اليوم جاي عبالي اكتب ، كتير اشياء خاطرة ببالي او مواضيع عم تمرء عليّ بشكل شبه يومي ...
عرس ، خطبة ، جاهة و ارتباط
هادا الموضوع مش بس بمرء بشكل يومي ، بس ممكن تحكوا ساعي !! كل ما احكي كلمة ، عقبال ما نفرح فيكي يا دانا ، ما في هيك ولا هيك ؟ طب ما في حدا معاكي بالشغل ؟ صحاب العيلة ؟؟ و الأسئل’ و الأدعية ما بتخلص ، يا جماعة ايش في ؟ كل عمري 24 سنة !! لسة ما عنست و بصراحة الموضوع مش خاطر ببالي طول ما انا عايشة بقطر و مبسوطة كتير واصلا الاردنيين هون شبه منقرضيين !! أحسن ...
سفر ، اجازات ,، بلاد جديدة
كتير هادا الموضوع صاير يشغل تفكيري ، عندي 30 يوم عمل اجازة يعني بطلعوا 6 اسابيع غير الاعياد و الويك اندز ، فصار عندي اهتمام اشوف و اكتشف و بصراحة عمّان بطلت من الاماكن المفضلة لأقضي اجازتي فيها و هلأ بحكي ليش.
الشغل
برضه ضايعة فيه ، مرات بحبه كتير و بيجي عبالي اضل في الشركة لنرجع على عمان ، بس انا صارلي سنة كاملة و شهر لهلأ ما تطورت مع العلم انه فريقنا من اوائل الناس بالشركة ، لما اجي بدي اقدم على شغل تاني بضل مترددة و خايفة اترك الشركة بالوقت الغلط !!
عمان و الاجازات
صايرة نفسيا انكد بس ما الاقي مكان اسافره و اضطر اخذ اجازتي و انزل على عمان بس عشان اخلص ايام الاجازات بالغصب ، مش لاشي بس عم بنزل بنكد اكتر من ما انبسط ، كل حدا بشكي و كل حدا مفلس! و كل حدا بده اعزمه ما انا جاي من الخليج و زي ما بتعرفوا انه عم بنلم الفلوس من الشارع بالخليج !!!
و صايرة عقلية الناس محدودة او ما بعرف يمكن لأني بقابل الف جنسية باليوم تغير كل تفكيري و يمكن اللي ساكنيين برّة بوافقوني الرأي و مش عارفة كيف لما ارجع اعيش هناك ، انشااله اقدر اتقلم ...
أهبل موقف مرء عليّ بشمل كل هالمواضيع ، انه مرة صاحبتي خاطبة هون بقطر ، بتقلي "هيك مبسوطة و بتسافري من بلد لبلد ، انا بكرة بتزج و بجيب ولاد و انتي بتكوني لفيتي الدنيا" صرت اضحك و عم بحكي لوحدة صاحبتي بعمّان و مش شايفة اشي ولا بتقلي "حبيبتي اتزوج و اجيب ولاد ولا اعنس !! " مش عارفة فكركم قصدها عني انه رح اعنس ؟؟ لوول
1 Openions !!!:
هو بصراحه بالاردن النفسيات مملة صايرة الكل بتشكون
يعني الواحد بكفيه الي فيه بطلو نق بس خلص النق صار رياضه وطنيه
بخصوص التعنيس بعرفش بس شايف انو صار الهدف بحد ذاتو الواحد يتزوج بغض النظر عن الشريك او الحياة
يلاه بدكيش تعزمينا انتو اهل الخليج معاكو مصاري
Post a Comment