दाना

عنوان البوست اليوم هو اسمي بالهندي ، مرة بنت معنا بالشغل كتبتلي اياه و حبيت شكله ، حسيت انه رسمة او اشي كتير حلو

المهم قررت اعمل تعليقة سنسال منه ، يعني زي ما الاجانب عنا بعملوا من اسمهم بالعربي تعليقة انا حبيت اغير.

طبعا كل ما البسها بتصير معي قصة شكل!!! اللي ببلش يحكي معي هندي، و اللي بصفن فيي بعدين بالتعليفة بعدين فيي انه مش مستوعب كيف يعني ؟!

احلى قصة صارت اليوم :

في واحد هندي يقلي انتي عربية صح قلتله اه فلسطينية تحديدا , قاللي ليش لابسة تعليقة بالهندي , قلتله حبيتها , قاللي حبيتيها ولا شكلك مصاحبة واحد هندي (مع غمزة ) انه كشفتك ، طبعا انا بدي اضحك انه من كل عقلك !!! بس قلت عيب لوول

و نفس المواقف بتصير بس البس تعليقة اسمي بالفرعوني ، ما اغباهم العالم !!!

من القصص الهبلة كمان على نفس الموضوع انه مديرتي بشركتي القديمة كانت لابسة اسمها بالعربي (سوزان) ولا يتقلي هادا اسمd ؟ صح هيك ؟ قلتلها لا مكتوب (محمد) ما ازنخني